Gjatë një konference të përbashkët me kryenegociatorin Zef Mazi, Komisionerja e BE për punët e Brendshme Ylva Johansson deklaroi se partitë politike në Shqipëri duhet të marrin përgjegjësitë e tyre për integritetin e kandidatëve për zgjedhjet e 25 Prillit.
“Shqipëria po i afrohet zgjedhjeve dhe të gjitha partitë duhet të marrin përgjegjësitë që të kenë integritet të kandidatëve në lista. Ky ka qenë një takim vërtetë shumë i mirë dhe jam këtu për t’iu uruar për këtë progres por sigurisht që akoma më shumë duhet bërë”, tha komisionerja europiane”, u shpreh Johansson.
Më herët duke folur për procesin e integrimit evropian Komisionerja për Punët e Brendshme u shpreh: “Përgëzoj të gjithë Shqipërinë për arritjet, në veçanti gjatë vitit të fundit dhe jo vetëm në fushën e këtij mandati që mbuloj unë për çështjet e drejtësisë dhe punët e brendshme, për sigurinë dhe migracionin. Ecuria dhe progresi i Shqipërisë gjatë vitit të fundit, shumë i mirë dhe ndaj u vendos të hapen negociatat dhe në dhjetor ne pamë që u përmbushën të gjitha kushtet për konferencën e parë ndërqeveritare”.
g.kosovari
