Ne shkurt 2019 opozita dorezonte mandatet parlamentare. Ishte hapi i pare nje largimi nga sistemi institucional, qe me vone perfshiu edhe pushtetin vendor. Nje levizje jakobine, pa koke e pa tru, qe e la vendin pa opozite dhe qe i dha Edi Rames pushtet te pakufizuar.
Dy vjet pas atij momenti, Lulzim Basha e Monika Kryemadhi vazhdojne te deklarojne se kane bere gjene e duhur. Ata i mbahen tezes se ikja e tyre vuri ne dukje problemet qe ka Shqiperia me demokracine. Pak e veshtire per t’u besuar, po te shohesh se partneret nderkombetare nuk i dhane te drejt opozites dhe as kjo e fundit nuk fitoi terren popullor pas atij momenti.
Precedenti i shkurtit 2019 eshte nder me negativet per demokracine shqiptare, sepse ai shenoi rastin e pare kur nje opozite doli ne menyre te organizuar nga sistemi, per te marre ne dore shishen e benzines. Eshte rasti te pyetet sot Lulzim Basha e Monika Kryemadhi, te cilet ende e justifikojne ate qe kane bere, nese do te sillen serish si dy vjet me pare. Per shembull, a do te pranojne rezultatin e zgjedhjeve te 25 prillit nese humbasin?!
