Tuniziani Anis Amri, i cili shtypi me kamion një grup njerëzish në Berlin gjatë Krishtlindjes, kishte bërë një ‘selfie’ para shtëpisë së Merkel pak javë para sulmit.
Duket se edhe Merkel ishte në shënjestër të terroristit që vrau 11 persona në një panair në Berlin në vitin 2016. Në telefonin e Anis Amri u gjetën edhe disa selfie jashtë ndërtesës ku banon Merkel, raportojnë mediat gjermane.
Midis tyre ka edhe pamje të rrethinës së Katedrales së Berlinit dhe sipas Shërbimit Penal Federativ Gjerman (BKA), ato ishin përdorur ndoshta për të targetuar më lehtë objektivat e mundshme të sulmit.
Në foton përpara katedrales, Amri pozoi me gishtin tregues. Hetuesit më vonë konstatuan se ishte pikërisht kjo zonë që Amri e shihte si një objektiv të mundshëm për sulmin.
“Fakti që dokumentacioni nuk përmendi as mundësinë që ndërtesa e kancelares mund të kishte qenë pre i sulmit, na zemëroi shumë”, thotë eksperti i sigurisë së brendshme, Konstantin von Noc nga Partia e Gjelbër, duke shtuar: “Policia ka për detyrë të informojë publikun. Ky është një aspekt i rëndësishëm i sigurisë për vendin tonë”.
g.kosovai
