Tragjedia e 39 emigrantëve kinez të gjetur të vdekur brenda një kamioni frigoriferik, dy ditë më parë, nuk i ka stepur tentativat e shqiptarëve për të hyrë ilegalisht në Angli.
Top Channel duke iu referuar mediave britanike raporton se autoritet e portit të Kentit ndaluan pasditen e të shtunës 5 shqiptarë të fshehur në kamion.
Të pestë personat e kapur e identifikuan veten e tyre si shtetas shqiptarë.
Ata iu dorëzuan autoriteteve të ministrisë së brendshme Home Office për tu marrë në pyetje sipas rregullave të emigracionit.
Ndërkohë 9 emigrantë të tjerë ilegal u gjetën në brendësi të një kamioni në autostradën M20. Deri në momentin e dorëzimit të tyre autoriteteve të emigracionit autostrada qëndroi e mbyllur për 4 orë.
Prej vitit 1998 e deri më sot në Belgjikë, Francë e Holandë operojnë rrjete trafikimi të mirëoganizuara të Shqiptarëve drejt Britanisë së Madhe.
Me shtrëngimin e kontrollove në portet angleze, për një person të fshehur në kamion çmimi varion nga 10 deri në 13 stërlina.
Disa prej personave që mund tja dalin të hynë në Angli, sipas medias britanike në mënyrë që të lajmë sa më shpejt këtë shumë të madhe parash të paguar trafikantëve, përfshihen në operacionet e kultivimit të kanabisit nëpër shtëpi të marrë në qira.
Ndërkohë shumë prej tyre që shkojnë në Angli për çështje ekonomike, bëjnë punë të ndryshme ndershmërisht, kryesisht në ndërtim. / tch
g.kosovari
