Pjesëmarrja më e vogël e banorëve në protestë që nga fillimi i saj, kohëzgjatja më e ulët, nuk ishin të vetmet detaje që u panë sot në Unazën e Madhe.
Kryetari i Partisë Demokratike, Lulzim Basha, u shfaq në media për të dhënë deklaratën e radhës së tij, por pas kësaj, pamjet e transmetuara edhe vetë nga zyra e tij tregonin se ai ishte i vetmuar. Në fund të prononcimit, Basha nuk ishte i shoqëruar nga asnjë prej banorëve. Hendekun e krijuar, ai u përpoq ta mbulonte duke nxjerrë telefonin dhe duke shkruar me të.
Një tjetër detaj i dukshëm ishte veshja e kryetarit të opozitës, i cili u shfaq me një xhup të fryrë, që zakonisht përdoret në klima malore. Kreu i PD është kujdesur jo vetëm që të ketë pjesëmarrje të militantëve demokrat, por edhe që veshja e tij e trashë ta bënte të ndihej sa më ngrohtë përballë temepraturave të ditës së sotme.
Ndoshta kjo është arsye se pse kjo protestë zgjati shumë pak dhe Basha u largua menjëherë pas deklaratës. Pasi tregoi se numrat nuk janë pika e fortë e Lulzim Bashës, sot shfaqi një tjetër dobësi të tij, duke shtuar në listën e dobësive të tij, edhe të ftohtin. /b.d
