Kryetari i Kuvendit Ilir Meta ka komentuar përpolasjet e fundit brenda mazhorancës. referuar kritikave në drejtim të policisë nga ana e ministrit të LSI Lefter Koka, dhe Ylli Manjanit që u shkarkua nga posti i Ministrit të Drejtësisë, Meta tha se “mbështet policinë në luftën antikanabis dhe luftën kundër krimit në tërësi”. Por midis rreshtash Meta nxori edhe një provokim për Edi ramën nëse mund të quhet i tillë për 21 Janarin.
Ai tha sot se ka qenë gjithnjë në krah të Policisë, madje edhe kur ajo u godit nga “horra e banditë në bulevard”.
“Lidhur me çështjen e Policisë. Unë kam qenë përkrahës dhe mbështetës i saj gjithmonë. Edhe në momentet kur është sulmuar nga horra dhe banditë, në mes të bulevardit. Ju e dini shumë mirë këtë gjë. Edhe kur është sulmuar nga horra dhe banditë të tjerë. Do vazhdoj të jem një përkrahës i Policisë së Shtetit, sepse ajo është kontakti i parë i shtetit që përballet me krimin me paligjshmërinë dhe me garantimin e të drejtave të qytetarit. Ky është qëndrimi im dhe jam i bindur se të gjithë ata që nuk e meritojnë uniformën e shtetit duhet të dënohen. Ky është qëndrimi im për policinë e shtetit”, tha Meta./a.m.
