Të afërm të familjes Shaholli percjellin per ne banesen e fundit nenen e 6 femijeve, qe e vrau nje dite me pare burri i saj pas nje sherri qe paten ne banese.
Mbreme ata kanë tërhequr trupin e viktimës pas kryerjes së ekzaminimeve mjeko-ligjore në trupin e 40-vjeçares Adriana Shaholli.
Familjaret tregojne se gruaja ishte zonje, qe kishte bere te pamunduren per te mbajtur te bashkuar familjen dhe rrinte me burrin vetem per hir te femijeve, pasi ai e dhunonte vashimisht.
‘Nuk i ndihej zeri i gojes, e rrihte perhere, per hir te femijeve rrinte me te, punetore sa cte te them. Ishte masakra, nuk e linte te punonte, as vete nuk punonte, nuk ka cfare te them, pinte gjithmone. Nuk mendonim se mund ta bente kete gje. Gjendja ekonomike e mjeruar, skamje cte te them, me buke e pa buke”-tregon nje e aferme e familjes, Evelina Rroko.
Ajo thote se e ka cuar disa here ne polici, por atje e mbanin disa ore dhe e linin prape te lire.
Një prej të afërmve shprehet se çifti kishte pasur herë pas here konfrontime, që vinin kryesisht për shkak të gjendjes së vështirë ekonomike.
Familja Shaholli ishte me origjinë nga Korça e ishin vendosur prej disa vitesh në zonën e Spitallës në Durrës.
