Gjatë një bashkëbisedimi të hapur me banorët e njësisë administrative Dvoran, qarku Korçë, në kuadër të takimeve turit të llogaridhënies publike, ministri Bujqësisë dhe Zhvillimit Rural, z. Niko Peleshi është shprehur me tone shumë optimiste në lidhje me gjithë proçesin e skemës kombëtare të mbështetjes financiare, e cila jashtë çdo parashkimi, ka nxjerrë fitues dhe përfitues të granteve dhe subvencioneve një pjesë shumë të madhe të aplikuesve.
Numri i kënaqshëm i aplikuesve, është dëshmia e një proçesi të rregullt, të thjeshtë dhe shpresëdhënës për ngritjen, fuqizimin dhe modernizimin e ekonomisë rurale në vend.
“Ministria e Bujqësisë sapo ka përmbyllur “Thirrjen” dhe ka marrë aplikimet për Skemën kombëtare financiare të subvencioneve dhe granteve që ishte 20 milionë euro këtë vit.
Pothuasje, gjysma e tyre më shumë se 50% shkon për subvencionet e fermerëve dhe blegtorëve dhe pjesa tjetër shkon në investimet në agropërpunim, magazinim, linja prodhimit.
Patëm një numër të lartë, të kënaqshëm aplikimesh, 30% më shumë se vitin e kaluar, edhe sepse ju mund ta konfirmoni, një pjesë e madhe këtu ka aplikuar. Aplikimi ishte shumë i thjeshtë këtë vit, ishte vetëm me kartë identiteti.”
Por, suksesi i kësaj skeme është padyshim shpallja e fitueseve.
“Unë dua t’jua them të gjithë atyre që aplikuan në mollë psh, meqënëse këtu jemi në vendin e mollëve, kanë fituar të gjithë, 100%. Të gjithë ata që shkuan dhe aplikuan për mbjellje të reja për mollë, kanë fituar, pra janë shpallur fitues. Në total pothuajse 90 % e aplikantëve janë shpallur fitues dhe për masat e tjera, siç është vaditja me pika, apo investime të tjera në fermë, apo për matrikullimin, ata që kanë aplikuar për rimbursimin e qumështit, atë 100 lekëshin për litër të qumështit. Pra, numri i fituesve në raport me aplikantët është shumë i lartë këtë vit.”
Ministri Peleshi, sërisht ka bërë thirrje për një besim më të madh në skemat dhe politikat që po ndërmerren, sepse vetëm kështu do të mund të rigjallërohet dhe të modernizohet bujqësia shqiptare. Shumë shpejt do të hapet “thirrja e parë” për Programin IPARD, që do të thotë një mundësi e artë për të gjithë fermerët, agropërpunuesit, blegtorët etj.
Lista paraprake e fitueseve: http://www.bujqesia.gov.al/al/programi/skema-kombetare-mbeshtetese-per-vitin-2018
Zbardhje e Plotë
Ministria e Bujqësisë sapo ka përmbyllur “Thirrjen” dhe ka marrë aplikimet për Skemën kombëtare financiare të subvencioneve dhe granteve që ishte 20 milionë euro këtë vit. Pothuasje, gjysma e tyre më shumë se 50% shkon për subvencionet e fermerëve dhe blegtorëve dhe pjesa tjetër shkon në investimet në agropërpunim, magazinim, linja prodhimit. Patëm një numër të lartë, të kënaqshëm aplikimesh, 30% më shumë se vitin e kaluar, edhe sepse ju mund ta konfirmoni, një pjesë e madhe këtu ka aplikuar. Aplikimi ishte shumë i thjeshtë këtë vit, ishte vetëm me kartë identiteti.
Unë dua t’jua them të gjithë atyre që aplikuan në mollë psh, meqënëse këtu jemi në vendin e mollëve, kanë fituar të gjithë, 100%. Të gjithë ata që shkuan dhe aplikuan për mbjellje të reja për mollë, kanë fituar, pra janë shpallur fitues.
Në total pothuajse 90 % e aplikantëve janë shpallur fitues dhe për masat e tjera, siç është vaditja me pika, apo investime të tjera në fermë, apo për matrikullimin, ata që kanë aplikuar për rimbursimin e qumështit, atë 100 lekëshin për litër të qumështit.
Pra, numri i fituesve në raport me aplikantët është shumë i lartë këtë vit. Kjo, besoj do të na ndihmojë që të rritet besimi tek skema, sepse ne jemi takuar dhe bashkë për të promovuar skemën. Besimi ka qenë i ulët. Jo për fajin e fermerëve, por për fajin e historisë së AZHBR-së në të kaluarën, ku aplikimi ishte shumë i vështirë, kushtonte shumë para, por bëheshin dhe marifete, siç më kanë thënë fermerët. “Ku ka zë, s’është pa gjë”- thotë populli.
Pra, për të gjitha këto arsye dhe për shkak të nepotizmin të subvencioneve, që jepeshin duke përkëdhelur militantët e partisë, më shumë sesa të tjerët, besimi ishte shumë i ulët. Për ne kjo ishte sfida. Tani, besoj se ecuria e suksseshme e këtyre subvencioneve, në qoftë se këtë do ta konfirmoni dhe juve, ju mund të më thoni dhe të kundërtën, sepse unë prandaj kam ardhur, t’a dëgjojë nga ju, jo nga punonjësit e zyrave në Tiranë, kjo ecuri do të na ndihmojë për të rritur edhe vitin që vjen, edhe ku të shpallet IPARD-i, që është një financim shumë më i madh, 94 milionë euro, të rritim aplikimet, të rritim fituesit dhe të ecim, për ta zhvilluar bujqësinë dhe për ta modernizuar atë.
Nuk dua të zgjatem më shumë, sepse e di që do të ketë pyetje, siç ka ndodhur në çdo njësi administrative, pyetje, probleme, debate.
Disave do t’ju përgjigjem unë, të tjerave nënkryetarët e Bashkisë, sepse kryetari i Bashkisë në këto momente ndodhet në një takim me ambasadoren e Delegacionit Evropian, por meqënëse, unë vij shpesh këtu, ambasadorja nuk vjen kaq shpesh sa unë, bëri mirë që shkoi tek takimi me ambasadoren.
Është një takim shumë i rëndësishëm, sepse Korça është përzgjedhur në të gjithë Shqipërinë, është një nga 4 Bashkitë, ku Delegacioni Europian, Bashkimi Evropian do të financojë 5 milionë euro grant, plus 20 milionë euro të tjera nga Banka Evropiane për Rindërtim dhe Zhvillim në formën e një kredie të butë.
Pra, janë rreth 25 milionë euro që do të investohen duke filluar nga vjeshta e këtij viti dhe në vazhdim në vendin tonë, nga Delegacioni, përveç këtyre investimeve për të cilat po flasim unë. Po e mbyll këtu për ta kaluar fjalën tek ju. Faleminderit!
a.ç
