Analisti i njohur Milaim Zeka komentoi për Fax News situatën e krijuar në veri të Mitrovicës, ku serbët kanë braktisur institucionet dhe kanë zhvilluar protesta duke kundërshtuar aktin për regjistrimin e targave.
Ai theksoi se Lista Serbe është burimi i të këqijave për Kosovën dhe kjo për Kurtin i ka fillesat që na vitin 2008, kohë kjo kur Kosova shpalli pavarësinë nga Serbia.
“Kjo lista serbe e terrorizon Kosovës që nga shpallja e pavarësisë dhe deri sot dhe është kjo listë që ka udhëhequr të gjitha aktet terroriste. Çdo gjë që ka ndodhur në Kosovë organizator dhe flamurtar i këtyre të këqijave është Lista Serbe. Albin Kurti ka rënën në grackën e Listës dhe ka rënë në kazanin e kësaj çorbe të keqe të gatuar nga Beogradi”, tha Zeka.
Sipas Zekës, Rusia dhe Serbia po tentojnë të nxjerrin Albin Kurtin si fajtor në arenën ndërkombëtare.
“Serbia dhe Rusia para bashkësisë ndërkombëtare dhe SHBA e kanë nxjerrë me fakte si fajtor Albin Kurti dhe qeverinë e tij. Gjithë ajo që ka ndërtuar bashkësia ndërkombëtare dhe deri më sot, Albin Kurti i ka hedhur në det me një veprim të pamatur, veprim absurd dhe me një veprim injorant për mospranimin e shtyrje regjistrimin e targave të makinave serbe në Kosovë”, shtoi Zeka.
Zeka tha se Kosova rrezikon të humbasë veriun e saj për shkak të veprimeve të pamatura nga lidershipi aktual.
“Mund ta humbin veriun e Kosovë, sepse fuqitë e mëdha mund të vijnë në një konkluzion dhe mund të thonë se ne nuk mund të bëjmë më shumë dhe ne jemi lodhur me shqiptarët dhe serbët Albin Kurti duhet të fokusohet tek marrëveshja finale me Serbisë, por jo vetëm te targat.
Deri sa në Kosovë do të kertë ushtarë amerikanë dhe të KFOR-i, nuk kam asnjë shqetësim se do ketë konflikt të armatosur. Vuçiç nuk ka prapa***…. t’i afrohet kufirit, për aq kohë sa në kufi ka ushtarë të SHBA dhe britanikë”, shtoi ai./m.j
