Të paktën 50 migrantë kanë vdekur pas fundosjes së një gomoneje në brigjet e Libisë, sipas deklaratave të të mbijetuarve.
Ndërkohë që Roja Bregdetare e Tripolit mendon se numri i migrantëve të mbytur mund të jetë dy herë më i madh.
Roja bregdetare libiane u angazhua për të ndihmuar sot në mëngjes tre gomone në vështirësi për të shpëtuar 300 migrantë.
Por, një nga gomonet ishte pothuajse nën ujë dhe vetëm 16 persona arritën të shpëtoheshin.
Shumë nga të mbijetuarit, të cilët u transferuan në bazën detare në Tripoli, raportuan se në bordin e gomones së fundosur kanë qënë të paktën 70 persona në momentin e nisjes nga Khoms, për në lindje të kryeqytetit.
Gjatë një deklarate për shtyp Roja Bregdetare tha se të paktën 90 ose 100 migrantë janë shpallur të humbur.
Vetëm 24 orë më parë, Roja Bregdetare libiane arriti të shpëtonte 135 migrantë të tjerë të kombësive të ndryshme afrikane, nga një gomone në brigjet e Gasr Garabulli, mes të cilëve ishin edhe 10 gra shtatzëna
