Policia e Durrësit ka goditur një rast të prodhimit dhe shitjes së lëndëve narkotike, duke sekuestruar rreth 148 kg kanabis sativa.
Droga është sekuestruar në banesën e 36-vjeçarit, Shpëtim Kola, banues në Borizanë, Fushë-Krujë, i cili u arrestua në flagrancë.
Njoftimi i policisë
Specialistët për Hetimin e Narkotikëve në Drejtorinë Vendore të Policisë Durrës në bazë të informacioneve të siguruara në rrugë operative kanë goditur një rast të prodhimit dhe shitjes së lëndëve narkotike.
U arrestua në flagrancë shtetasi:
• Shpëtim Kola 36, banues në Borizanë, Fushë-Krujë.
Më datë 09.01.2018 gjatë kontrollit të ushtruar në banesën e shtetasit të mësipërm u gjet dhe sekuestrua në cilësinë e provës materiale rreth 147 kg e 900 gr lëndë narkotike e dyshuar e llojit Marjuanë.
Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale” Prodhimi dhe shitja e narkotikëve” parashikuar në nenin 283/1 të Kodit Penal.
javanews.al/a.ç
