Presidenti Ilir Meta ka shprehur ngushëllimet për ndarjen nga jeta të poetit Lefter Çipa. Me anë të një postimi në rrjetet e tij sociale, Meta shkruan se ishte një lajm që nuk do të donte ta kishte marrë kurrë, por shton se edhe pse jo fizikisht, ai do të jetojë sa herë që të këndohen vargjet e shkruara prej tij.
“Dhembje e trishtim nga lajmi, që nuk do donim ta merrnin kurrë, legjenda e poezisë dhe e polifonisë shqiptare, Nderi i Kombit, Lefter Çipa, u nda sot prej nesh. Krijuesi brilant i Bregut, me frymëzim thellësisht kombëtar, iku në përjetësi, për të na lënë të gjithëve një trashëgimi të vyer artistike e kulturore, ku spikatin perlat e polifonisë shqiptare të krijuara mjeshtërisht prej tij dhe që do këndohen në jetë të jetëve, sa të ketë shqiptarë. Familjes Çipa, komunitetit të dashur të Pilurit kuqezi, gjithë poetëve dhe polifonëve, ju përcjell ngushëllimet më të ndjera për këtë humbje të pazëvendësueshme, që na lëndoi të gjithëve. Lefter Çipës i jeton poezia, i jeton kënga, i jeton shpirti kuqezi! I paharruar kujtimi i tij!,”-shkruan Meta.
g.kosovari
