Gurpi hetimor i policisë i kryesuar nga Prokurori i Krimeve të Rënda Adnan Zholi të mbështetur nga grupet RENEA po kontrollojnë vendin ku u goditen forcat e policisë dhe vendin nga u goditën forcat e policise . Janë evidentuar rreth 10 vatra zjarri ku janë sekuestruar mbi 100 gëzhoja kallashnikovi dhe mitrolozi, një granate , një thikë.
Fshati Lazarat aktualisht vijon të jetë i rrethuar nga rreth 400 forca speciale të pajisura me armatim të rëndë dhe që qarkullojnë me autoblinda.
Mësohet gjithashtu se është vetëdorëzuar në policinë e Fierit Sebastian Shurdhi, një person i shpallur në kërkim, i cili është dërguar në policinë e Gjirokastrës ku po merret në pyetje.
Gjatë këtyre orëve, janë ndaluar 14 shtetas:
1. Zhaklin Dërxho
2. Albon Meçi
3. Rustem Mahmutaj
4. Fatmir Gërveshi
5. Jeton Kalemi
6. Xhuljan Malo
7. Xhemil Gjolleshi
8. Gurim Skënderi
9. Denis Mahmutaj
10. Xhuljano Nuri
11. Sinan Rabaj
12. Sevo Shurdhi
13. Gerald Bime
14. Eligent Basha
Aktualisht janë ende në kërkim edhe 9 persona të tjerë Arbion, Alban e Endush Aliko,Bervin Basho, Edmond Boci, Xhemal Gjini, Albi Mahmuti, Sevo Shurdhi dhe Ani Hiri.
Njoftimi i plotë i policisë
Policia e Shtetit vijon operacionin për kapjen e personave të shpallur në kërkim, për sulmin me armë të një ditë më parë, ku mbeti i vrarë efektivi i forcave RENEA Ibrahim Basha dhe u plagosën dy efektivë të tjerë.
Në orët e para të mëngjesit të sotëm, forcat speciale RENEA dhe FNSH kanë rinisur kontrollet në fshatin Lazarat dhe në banesat e personave të shpallur në kërkim.
Ndërkohë grupi hetimor po kqyr vendin ku u sulmuan me armë forcat e Policisë. Të dhënat paraprake evidentojnë të paktën 10 vatra zjarri, ku u sekuestruan rreth 100 gëzhoja kallashnikovi dhe mitralozi, një granatë dhe një thikë.
Policia e Shtetit përsërit edhe njëherë thirrjen drejtuar personave të shpallur në kërkim, të dorëzohen pranë organeve ligjvënëse. Operacioni do të vijojë deri në kapjen e personit të fundit në kërkim dhe përballjen e tyre me forcën e ligjit.
