Qindra banorë të “Lagunës Blu” janë mbledhur sot paradite për të bllokuar punimet e nisura nga Aleksandër Frangaj dhe për të zhbllokuar rrugën para shtëpisë së tij si dhe rrethimin e kantierit me mur betoni që bllokonte rrugën drejt detit.
Protestuesit kishin vendosur parrulla në vende të dukshme të tipit “Tokë e xanun. Zaptues Aleksandër Frangaj. Ndërtues Qeveria”.
Banorët janë drejtuar fillimisht para rrugicës së shtëpisë së tij kanë hequr betonet që bllokonin rrugën dhe pastaj janë drejtuar tek kantieri duke prishur gardhin dhe murin prej betoni që të con në det.
Frangaj ka bllokuar prej një jave terrenet sportive të fshatit turistik “Laguna Blu” pasi ka bërë një privatizim të paligjshëm të tokës aty dhe ka mundur të marrë leje falë një plani regullues që i ka firmosur Berisha javën e fundit të pushtetit dhe një leje nga komuna e Golemit.
TEMA
