Djali në fotografi është 22-vjeçari nga fshati Gojan i Pukës, i cili u vra nga një pensionist të martën në Milano.
Policia tha se Gjergj Gjoni është identiteti i viktimës, ndërsa bëhet e ditur se trupi i tij do t’i nënshtrohet autopsisë javën e ardhshme.
Autori i vrasjes, Franceso Sicignano, mësohet ta ketë kryer vrasjen në kushtet e vetëmbrojtjes.
Prokurorët thonë se ka shumë dyshime dhe duhet sqaruar dinamika ekzakte. Goditja e shkaktuar nga 65-vjeçari ka ardhur nga lartposhtë, drejt e në zemrën e 22-vjeçarit dhe asnjë gjurmë gjaku nuk është gjetur brenda kuzhinës.
Trupi i pajetë u gjet në shkallët e jashtme të godinës ku mendohet se u krye krimi.
