Ish-nënkryetarja e Parlamentit Valentina Leskaj ishte e ftuar këtë të diel në “Interview” me Mirela Milorin, në Euronews Albania, ku foli mbi angazhimet e saj të mëparshme politike, jetën private dhe librin e saj “Politika si ide”.
Leskaj u shpreh se idenë e botimit të një libri e kishte pasur që para se ta linte politikën aktive, por vendosi ti përkushtohej në momentin kur do ishte jashtë vorbullës së politikës.
“Largimi nga politika ishte vendim i menduar dhe i pjekur pasi kisha kohë që pyesja veten se çfarë bëja akoma në politikë por kurrë nuk kam pasur frikë apo jam intimiduar ose presionuar dhe çdo gjë e kam vendosur vetë dhe jo e imponuar nga të tjerët”.
Në vitin 2017, Valentina Leskaj vendosi ti jepte fund karrierës së saj 15-vjeçare si deputete në Kuvendin e Shqipërisë.
