Në Gjermani gjenden tunele sekrete të përdorura në Luftën e Dytë Botërore. Një eksplorues britanik i ndërtesave të braktisura Warren Taper thotë se ka gjetur tunele të përdorura nga nazistët për të testuar armë gjatë Luftës së Dytë Botërore.
Ai thotë se ka gjetur në qytetin e Duisburgut në Gjermani kilometrat e pafund të kalimeve nëntokësore dhe bunker pasi u ngjit nëpër një vrimë në një mur.
Eksploruesi britanik mendon se bunkeri dhe tunelet përreth tij ishin përdorur nga lideri nazist Adolf Hitler dhe se ai mbajti takime sekrete atje.
“Qyteti shërbeu si një strehë për nazistët gjatë bombardimeve të aleatëve, por gjithashtu si vend për testimin e armëve të kalibrit në shkallë të gjerë në të cilën municionet u testuan”, tha Taper.
Studiuesi dhe bashkëpunëtori i tij Mat gjetën pllaka prej çeliku që përmbanin vrima të mëdha prej 10 cm nga predhat, dhe gjetën vrima të ngjashme në xhamin e pakalueshëm. Megjithatë, kjo mund të jetë krijuar edhe kur forcat amerikane u infiltruan në strehën sekrete naziste.
“Para se të hynim brenda, ne nuk dinim asgjë për këto tunele. Ne as që e dinim se për çfarë ishin përdorur. Vetëm pasi hyra, e kuptuam se sa të mëdha janë. Ne gjetëm vrima plumbash që na bënin më të ngazëllyer se sa tuneli.
Shkuam në dhomën e testimit të armëve … Nuk e kuptoja menjëherë se çfarë ishte dhoma derisa pashë copa masive metalike me vrima plumbash. Vetëm atëherë e kuptova se ku qëndroja pikërisht, dhe u ndjeva si një fëmijë në një dyqan karamelesh. Isha shumë i emocionuar “, tha Taper për Mirror, përgatiti Koha. (b.an)
