Fëmijët e politikanëve duket se po i shijojnë vërtet këto ditë pushimesh. Djali i ishPresidentit Rexhep Mejdani, Denion Meidani po bën pushime në Ibiza dhe Saint Tropez.
Djali i Presidentit të Republikës aktual, Ersi Nishani, është kthyer në Shqipëri, pasi ka lënë Vjenën, vendin ku dhe studion. E ndonëse babai i tij, Bujar Nishani së bashku me familjen presidenciale nuk pushuan në rezidencën në Dhërmi, Ersi e ka shijuar bukurinë e një prej destinacioneve më të frekuentuara nga të rinjtë dhe ka vizituar Karaburunin, raporton suplementi Bluetooth.
Franko Naço, djali i ministrit të drejtësisë, Nasip Naço, dallohet së bashku me një shok të tijin mbi një jaht, edhe pse jahti është shumë larg të qenit në det. Argita Berisha, vajza e ishkryeministrit Berisha është fotografuar në ishujt e Greqisë.
Edhe ‘supermbesa’, në rrjetet sociale ka postuar shpesh video, apo edhe foto nga pushimet që po kalon me familjen e saj. Nuk dihet nëse në këto pushime me ta është edhe Shkëlzeni, pasi në këtë familje është traditë tashmë që pushimet t’i bëjnë bashkërisht. /Dita
