Një gjykatë britanike ka dënuar me 12 muaj burg një 56-vjeçar shqiptar, i cili ishte arrestuar më 20 janar gjatë një kontrolli në banesën e tij. Ilir Muçmata, pa adresë fikse, u dënua nga Gjykata Chester Crown pasi u deklarua fajtor për prodhimin e kanabisit.
Oficerët zbatuan një urdhër kontrolli në banesën e tij më 20 janar në zonën e Crewe, ku zbuluan 100 bimë narkotike të llojit kanabis, peshore dhe pajisje të sofistikuara për kultivim, ndërsa Muçmata u arrestua në vendngjarje.
“Ky është një shembull tjetër i mirë i punës që po bëjmë në komunitetin tonë për të pastruar rrugët nga droga ilegale dhe për të mbrojtur njerëzit nga dëmi dhe krimi që vjen me aktivitetin e paligjshëm të drogës”, tha prokurori Justin Taylor.
