Përbërësit për 6 persona:
Për përgatitjen e 12 crepes me diametër 20 cm:
3 vezë
500 ml qumësht
250 g miell
kripë
40 g gjalp
Për kremin me karkaleca:
200 ml panna
250 gr Mascarpone
1 lugë salcë domatesh
1 gotë Brandy
2 thelbinj hudhër
40 gr gjalp
2 lugë vaj ulliri
kripë
piper
2 lugë majdanoz të grirë hollë
500 gr karkaleca të pastruar
Përgatitja:
Fillimisht merremi me përgatitjen e brumit për crepes. Në një enë rrahim vezët bashkë me qumështin dhe më pas shtojmë miellin. Masës i shtojmë pak gjalp të shkrirë dhe më pas i përziejmë mirë e mirë të gjithë përbërësit.
Vendosim në zjarr një krepiere, ose një tigan të cekët kundër ngjitjes dhe nisim të pjekim me radhë crepes.
Ndërkohë në një tigan hedhim vajin e ullirit , gjalpin dhe hudhrat. Shtojmë karkalecat dhe teksa i trazojmë hedhim edhe Bandyn. Pasi të ketë avulluar alkooli, shtojmë salcën, panën dhe kremin mascarpone.
I lemë në zjarr derisa të krijohet një masë e njëjtrajtshme më pas i shtojmë pak kripë, piper si dhe majdanozin e grirë.
Tek secila prej crepes, hedhim në mes 2-3 lugë (ose sipas dëshirës) kremin e përgatitur dhe i mbyllim duke krijuar formën e dëshiruar.
