Kolegji i Posaçëm i Apelimit ka hedhur short për zëvendësimin e gjyqtarit Luan Daci pas pezullimit të tij për çështjet që kishte në proces.
Kolegji i Posaçëm i Apelimit njofton se në vijim të vendimit të djeshëm të Mbledhjes së Gjyqtarëve për pezullimin nga detyra të gjyqtarit Luan Daci, u hodh shorti për zëvendësimin e tij në trupin gjykues që do të shqyrtojë çështjen që i përket subjektit të rivlerësimit prokurorit Fatmir Lushi.
Pas hedhjes së këtij shorti, gjyqtari Luan Daci u zëvendësua nga gjyqtare Ina Rama.
Përfundimisht, trupi gjykues i çështjes (JR) nr.27/2019, datë 20.05.2019, do të ketë përbërjen që vijon:
Kryesuese: Natasha Mulaj
Relator: Ardian Hajdari
Anëtarë: Albana Shtylla, Ina Rama, Rezarta Schuetz
“Ju bëjmë me dije se për këtë arsye, seanca gjyqësore në dhomë këshillimi u ndërpre, për t’u zhvilluar në datën 08.09.2020, ora 9.30”, bën me dije KPA.
Mësohet se Daci është zëvendësuar për dosjet e ish-drejtueses së ish-Krimeve të Rënda, Donika Prela, Genc Sinjarit, Roland Jaupaj, Regleta Panajoti dhe Dritan Preka. Të gjitha këto çështje ishin në proces dhe do të zhvillohen gjatë korrikut dhe shtatorit.
g.kosovari
