Krimi me tekstet shkollore, burim i pasurimit të oligarkëve dhe qeveritarëve të korruptuar, thotë media kosovare.
Dhënia e librave falas nisi qysh në vitin 2008, kur ministër ishte Enver Hoxhaj, dhe vetëm gjatë mandatit të tij, pa asnjë tender, iu paguan dy botuesve afro 30 milionë euro
“I gjithë ky zinxhir funksionon si ndërmarrje krimi, duke filluar nga krerët më të lartë përkatës në Qeveri dhe oligarkët – botues, e deri tek autorët e teksteve shkollore. Pasojat e këtij krimi janë shumëdimensionale. Së pari, dëmtohet shumë buxheti i shtetit me tekste të panevojshme e të padobishme, siç ishte rasti i skandalit, gjersa ministër i Arsimit ishte Enver Hoxhaj…”, thotë ndër të tjera analisti Isa Mulaj. MASHT-i harxhon diku afro 8 milionë euro në vit për të botuar e shpërndarë libra shkollorë falas për të gjithë nxënësit e shkollave parauniversitare, nga klasa e parë deri në të nëntën. (javanews.al / a.n)
