Një raund i shkurtër, por, sipas fjalëve të vetë pjesëmarrësve mbeti i vështirë. Dialogu mes Kosovës dhe Serbisë është zhvilluar të mërkurën në selinë e shërbimit të veprimit të jashtëm të Bashkimit Evropian në Bruksel, shkruan “Koha Ditore”.
Presidenti i Kosovës, Hashim Thaçi, dhe ai i Serbisë, Aleksandar Vuçiq, të cilët janë takuar në praninë e përfaqësueses së lartë për Politikë të Jashtme dhe Siguri, Federika Mogherini, edhe pas këtij takimi kanë shprehur mendime të kundërta rreth asaj se si e shohin normalizimin e plotë të raporteve.
Përderisa presidenti i Kosovës, Hashim Thaçi, ka thënë se vetëm njohja e Kosovës si shtet sovran dhe i pavarur nënkupton zgjidhjen finale, presidenti i Serbisë, Vuçiq, ka thënë se njohja e Kosovës nuk do të ishte kompromis. (b.an)
