Ministri i Sigurisë së Bosnjës u arrestua të enjten me dyshimin për korrupsion ndërsa ai drejtonte kompaninë e menaxhimit të rrugëve në njësinë serbe të vendit, njoftuan prokurorët.
Nenad Nesic, 46 vjeç, dhe gjashtë persona, duke përfshirë drejtorin aktual të ndërmarrjes rrugore, Putevi RS, në Republikën Serbe të Bosnjës.
Ata akuzohen për “grup kriminal, pastrim parash, shpërdorim të detyrës dhe ryshfet”, thuhet në deklaratë.
Policia e Republika Srpska (RS) deklaroi se kontrollet e lokaleve të banimit dhe afarizmit të përdorura nga të arrestuarit po kryheshin në Sarajevë.
Nesic ka shërbyer si ministër i sigurisë që nga janari 2023 dhe ka qenë drejtor i Putevi RS nga 2016 deri në 2020 ndërsa ka shërbyer edhe si ligjvënës.
Ai është aktualisht president i partisë së Aleancës Popullore Demokratike (DNS), e cila është në një koalicion me Aleancën e Social Demokratëve të Pavarur të udhëhequr nga Milorad Dodik, presidenti nacionalist, pro-rus i Republika Srpska.
Dodik e përshkroi arrestimin në një postim në mediat sociale si një “veprim të papranueshëm” dhe pretendoi se ishte një rast “persekutimi i zyrtarëve” nga entiteti serb.
