Policia italiane njoftoi se ka konfiskuar pasuri me vlerë rreth 44 milionë nga një gangster i cili ishte një tifoz i filmit të Brian de Palma-së “Njeriu me shenjë” me Al Pacino në rolin kryesor.
Viljam Serto (34), i cili u arrestua në vitin 2014 në Sicili, dyshohet si kreu i një grupi mafioz që merret me lloje të ndryshme të kontrabandës, grabitje dhe pastrimit të parave.
Gangsteri është bërë publikisht i njohur për shkak të dëshirës për t’u dukur si heroi i filmit Tony Montana. Media lokale raportoi më herët se Serto rezidencën e tij e kish transformuar si në film dhe ai madje ndërtoi një fron që t’i ngjante gangsterit kuban, citohet BETA.
Policia tha se asetet arrinin vlerën prej 44 milion euro, duke përfshirë edhe 20 kompani dhe 30 prona, përfshirë vilë luksoze dhe orë konfiskuara. (b.an)
