Perfaqësuesit zgjedhorë te kandidatit Eduard Selami kanë paraqitur pranë komisionit elektoral dhe kryetarit të këtij komisioni, Jemin Gjana, një ankesë zyrtare për parregullsitë që po shoqërojnë procesin zgjedhor dhe pabarazinë e tij.
Në disa qendra votimit janë vendosur fotot e kandidatit Lulzim Basha, gjë që nuk lejohet pasi intimidon direkt votuesit dhe i bën ata jo të lirë për të votuar atë që dëshirojnë. Nje nga qendrat e votimit ku ka ndodhur ky fenomen është njësia 5 në Tiranë siç shihet edhe na fotot.
Përveç kësaj, në qendrat e votimit, vihet re prezenca e kryetarëve të degëve që në mënyrë direkte bëjnë presion mbi votuesit për të votuar kandidatin Basha. Këto parregullsi ndikojnë seriozisht në rezultatin e garës dhe e bën këtë proces të manipuluar.
Kryetari i komisionit elektoral, Jemin Gjana, tashmë duhet të kthejë një përgjigje zyrtare lidhur me këto parregullsi dhe si do të zgjidhen ato, për të patur një proces të ndershëm
