Vijojnë të marrin përmasa të mëdha protestat e mbështetësve të presidentit në detyrë Jair Bolsonaro, të cilët refuzojnë të njohin rezultatet e zgjedhjeve presidenciale që nxorën fitues kandidatin Lula.
Protestuesit kanë dalë në qytetet kryesore dhe bllokuan qarkullimin e mjeteve, duke shkaktuar problematika të mëdha.
Por një ngjarje e rëndë u regjistrua në autostradën e Washington Luìs në Mirassol ku një makinë përplasi me shpejtësi protestuesit që kishin dalë në rrugë, duke plagosur 16 prej tyre, mes tyre fëmijë dhe efektivë policie.
Më herët, Bolsonaro, përmes një deklaratë të bërë në rrjetet sociale iu kishte kërkuar mbështetësve të tij të shkonin në shtëpi dhe të lironin rrugët.
/a.r
