Policia italiane ka arrestuar në kushtet e flagrancës një shtetas shqiptar, pasi u kap me një sasi lëndësh narkotike.
Në pranga ra Armando Grillo, 40-vjeç, banues në Caserta.
Policia nuk kishte ndonjë të dhënë për aktivitet të paligjshëm të shqiptarit, apo dyshime për trafik droge. 40-vjeçari po lëvizte me një motor, në momentin e arrestimit.
Grillo kur u ndalua nga policia tregoi nervozizëm, që nuk i shpëtoi syrit të policëve; prandaj, ai iu nënshtrua një kontrolli.
Kontrolli përfundoi me zbulimin e menjëhershëm, të sasisë së lëndës narkotike, e llojit kokainë, fshehur në pantallonat e shkurtra. Policët i sekuestruan pas kontrollit një enë transparente celofani, që ishte fshehur brenda pantallonave dhe përmbante një lëndë pluhur të bardhë, e cila, siç doli nga kontrollet teknike të mëvonshme, ishte “Cocaine”, me një peshë rreth 54,65 gr.
/e.rr
