Një video e përgatitur nga televizioni shtetëror kinez, e bazuar në ngjarje të vërteta, tregon sesi shteti aziatik luftoi infeksionin vdekjeprurës, koronavirus.
Shteti fillimisht shënoi një djalë, identiteti i të cilit është mbajtur anonim – duke e quajtur thjesht Han – si edhe të atin e tij. Në momentin kur morën diagnozën, djali dhe babi i tij e kishin të qartë se shumë shpejt mund t’i thoshin lamtumire jetës. Të dy ishin të infektuar nga Covid-19. I ati, i cili ishte në gjendje të rëndë, u dërgua ne në spitalin “Tongi”. Djaloshi u dërgua në një spital të përkohshëm, me 1500 shtretër. Këto qendra shëndetësore, të ndërtuara në impiante sportive, shërbyen si barrikada kryesore, që virusi të mos përhapej. Në struktura të tilla mund të shtrohen deri në 13000 mije pacientë me simptoma të lehta, të cilëve u garantohej kujdesi i duhur.
Stafi mjekësor bëri të pamundurën që gjatë qëndrimit, Han të merrte të gjithë kujdesin e nevojshëm. Madje, në disa raste bluzat e bardha kërcenin me pacientët, për t’i ndihmuar në largimin e ankthit. Një video e tille u shndërrua në hit në rrjetet sociale.
Më date 18 shkurt, vetëm në Wuhan u shëruan rreth 5 mijë pacientë. Spitalet më të mira aty, u orientuan që të kuronin pacientë me ndërlikime të renda, si babai i Han. Më 20 shkurt, numëroheshin 48 qendra të tilla spitalore, duke garantuar një shtrat për secilin nga 10 mijë personat në gjendje të rëndë shëndetësore prej koronavirusit.
Në luftën kundër epidemisë, në Hubei u paraqitën në total 42 mijë persona që shërbenin si staf mjekësor. Ekspertët dhe ekipet mjekësore nga e gjithë Kina nisën punën në këto spitale, ndërsa ventilatorët dhe aparaturat e frymëmarrjes u morën nga jashtë vendit. Mjekët rrezikuan jetët e tyre që të kujdeseshin për pacientet në gjendje kritike. Intubimi duhej realizuar sa më shpejt, tregonin doktorët në spitalin ku i ati i Han ndodhej i shtruar, pasi gjendja e pacientëve mund të përkeqësohej nga çasti në çast.
Ne spital kishte dy rregulla strikte: monitorim i afërt dhe kujdes 24-orësh. Në ndihmë të personave të prekur kishte planifikime të shumëllojshme, si edhe aparatura për frymëmarrjen. Mjekimet popullore kineze ndihmuan mjaft njerëz me simptoma të lehta, duke qene mjaft efikase edhe në zvogëlimin e kohës së inkubacionit të koronavirusit të ri.
Deri në 24 shkurt, në Wuhan u shëruan afro 10 mijë persona, ndërsa në harkun e 72 orëve, shifra u rrit në 15 mijë. Pesë ditë pas këtyre sinjaleve të mira, numri i pacientëve të shëruar shkoi në afro 25 mijë, mes të cilëve një grua 100-vjeçare dhe një foshnje vetëm 17-ditëshe.
Momentalisht, Han dhe i ati i tij ndodhen në karantinë, por ritakimi i tyre duket shumë i afërt. Por edhe pse shume njerëz u shëruan nga virusi i ri, një numër i madh mjekësh humbën jetën në këtë betejë. Ata ishin heronjtë e vërtetë në betejën kundër koronavirusit. Vetëm në Hubei, numri i mjekëve dhe personelit shëndetësor të infektuar ishte mbi 3000 persona. Të paktën 31 u ndanë nga jeta, mes tyre edhe drejtori i spitalit.
Doktor Bruce Ilward, kreu i misionit të përbashkët të Kinës me Organizatën e Kombeve të Bashkuara kundër Covid-19, deklaroi se për të përsëritur suksesin e shtetit aziatik edhe në vende të tjera të botës nevojiten masa të shpejta, pará, kurajë politike dhe imagjinatë. Me pandeminë që është hapur në të gjithë boten, armiku i përbashkët – Covid-19 – mund të luftohet vetëm me bashkëpunimin e të gjithëve.(a2)
