20% e plazheve në Adriatik apo Jon kanë probleme me ndotjen. Nëse do të zgjidhnim të pushonim ne Durrës, Kavaje, Vlorë, Sarandë, Dhermi apo në Gjirin e Lalzit duhet të bëjmë kujdes me zgjedhjen. Edhe pse në shumicën e stacioneve të monitoruara plazhet rezultojnë të pastër, mes tyre ka edhe zona që vazhdojnë të jenë të ndotura.
Shkarkimi i ujrave urbane në det, është faktori kryesor i ndotjes në këtë zonë. Ujit të ndotur i shtohet dhe era e pakëndëshme që ndihet sapo afrohesh në zonën e plazhit. Njëlloj vazhdon situata edhe në plazhin e Marinës në qytetin e Vlorës.
Frekuentimi i këtyre plazheve shton numrin e pacientëve që kanë nevojë për mjekim, ndaj dermatologët, bëjnë apel për kujdes të shtuar në sezonin e verës.
