Gjatë një patrullimi rutinë, karabinierët pikasën një makinë të parkuar në mënyrë të dyshimtë, me dy persona në bord.
Sjellja nervoze e shqiptarëve dhe deklaratat kontradiktore të dhëna gjatë procesit të identifikimit, e shtynë policinë financiare të kryente kontrolle të mëtejshme.
Nga verifikimet u zbulua se njëri prej të dyve kishte precedentë të shumtë penalë për krime të lidhura me drogën dhe ishte kërkuar që nga viti 2021 për disa urdhër-arreste të lëshuara nga gjyqësori i Peruxhias.
Droga u gjet e fshehur brenda ndarjes së pasagjerëve, në një qese plastike që përmbante 5 blloqe kokaine, me një peshë totale prej 4,6 kg kokainë, informon media italiane.
Sipas vlerësimeve të hetuesve, vlera me shumicë e drogës shkon në rreth 150,000 euro dhe pasi të prihej e përzihej me kimikate të tjera, do të sillte një xhiro me mbi 500 mijë euro. Të dy shqiptarët pas arrestimit u mbyllën në burgun Perugia-Capanne.
