Ditën e diel në Bashkinë Rrogozhinë do të përsëriten zgjedhjet lokale, pasi rezultati 14 majit u quajt i pavlefshëm, për shkak të kontestimeve ngaj votave të burgut.
Këtë herë është vendosur të mos votohet në burgje, edhe pse Burgu i Rrogozhinës ka bërë një kërkesë në KQZ që të votohet, por kjo e fundit duket se i ka “mbyllur derën.”
Përfaqësuesit ligjorë të dyshes Berisha-Meta kundërshtuan rezultatin e 14 majit, kur u shpall fitues Edison Memolla, kandidati i PS, me argumentin se kutia e fundit që i dha fitoren atij ishin votat e të burgosurve.
KQZ pranoi kërkesën për rinumërim dhe nga hapja e kutive diferenca e socialistit me kandidatin e koalicionit “Bashkë Fitojmë” Shkëlqim Hoxha u ngushtua nga 30 në 21 vota./m.j
