Një i ri 22-vjeçar humbi jetën sot në lumin Mat pranë Shkopetit në zonën e Kurbinit, teksa po lahej bashkë me disa kushërinj.
Sipas informacioneve, Klajdi Elezi, 22 vjeç, me banim në Skuraj, ishte futur për t’u larë së bashku me dy kushurinj të tij.
Nga dëshmitë paraprake thuhet se i riu nuk ka ditur mirë not dhe është mbytur nga uji.
Ai nuk ka mundur të dalë nga uji dhe është mbytur. Trupi i të riut është nxjerrë nga uji nga policia dhe më pas është dërguar në morgun e Tiranës për ekspertizë mjeko-ligjore. Në vendngjarje ndodhet policia, e cila ka nisur hetimet për të zbardhur rrethanat e ngjarjes dhe për të sqaruar shkaqet që çuan në vdekjen e të riut.
