Dy të rinj shqiptarë, 17 dhe 18 vjeçarë, të dy banues në Raguzë, Itali, janë arrestuar nga policia italiane pasi dyshohen të jenë autorë të disa vjedhjeve që kanë ndodhur në këtë zonë.
Policia u gjeti atyre në një apartament, të cilin e kishin zënë forcërisht, dhe e përdornin si depo, disa mallra të vjedhura. Mes tyre: 5 televizorë, 3 kompjutera, printera, telefona celularë, pajisje të sofistikuara elektronike, çelësa makinash, bizhuteri ari dhe ora, të gjitha sende të vjedhura.
I mituri, pas disa orë marrje në pyetje, pranoi t’i ketë grabitur të gjitha sendet me vlerë në disa shtëpi dhe zyra publike, shkruan panorama. Sendet e grabitura arrinin vlerën e rreth 15 mijë euro. Emrat e shqiptarëve nuk bëhen me dije.
