Ecuria e procesit të integrimit evropian dhe mesazhet e përcjella nga Presidentja e Komisionit Evropian, Ursula von der Leyen, ishin në qendër të emisionit “Trialog” në RTSH, të moderuar nga gazetarja Alba Alishani. Gjatë diskutimit, analisti Preç Zogaj e cilësoi ardhjen e krerëve të ekzekutivit evropian si një vizitë pune të programuar, e cila, ndonëse ka natyrë rutinë, mbart gjithmonë një peshë të veçantë politike.
Sipas Zogajt, drejtuesja e Komisionit Evropian përfaqëson një vizion inkurajues për të ardhmen e rajonit dhe të vetë unionit në një periudhë me sfida të shumta gjeopolitike.
Lidhur me figurën e Von der Leyen dhe përballjen e Evropës me rreziqet bashkëkohore, ai u shpreh se “jo vetëm se ajo është numri një i ekzekutivit të Bashkimit Evropian ku ne duam të hyjmë, por është edhe një grua që, për mendimin tim e mishëron atë shpirtin e Evropës së Bashkuar dhe vizionin e zgjerimit”.
“Unë jam shumë i entuziazmuar prej saj nga ky vizion i një Evrope që forcon kohezionin përkundrejt shumë rreziqeve që janë shtuar nga lindja, nga perëndimi, nga të gjitha anët, dhe njëkohësisht mban të ndezur këtë pishtarin e zgjerimit.”, tha Zogaj.
Gjuha diplomatike dhe detyrat e Shqipërisë
Më tej, analisti u ndal te mënyra se si duhen lexuar deklaratat publike të zyrtarëve të lartë evropianë, duke theksuar se përtej kortezisë diplomatike, mesazhet kryesore për reformat janë përcjellë qartë.
Në lidhje me qëllimin e vizitës dhe pikat kryesore të nënvizuara për Shqipërinë, Zogaj sqaroi se “ajo erdhi këtu, nuk ka ardhur për të bërë gjyqtarin se nuk është ky qëllimi i vizitës”.
“Ka të tjerë, ka struktura të tjera që punojnë prapa skene që flasin ashpër e i thonë gjërat. Por ajo i tha, tha dy sfidat e mëdha të Shqipërisë në raport me hyrjen në Evropë, me këtë rrugën e hyrjes në Evropë, që është gjyqësori — pra drejtësia — dhe mjedisi.”, komentoi Zogaj.
Duke u plakur e dhjerë, pirdhet akoma edhe më shumë nga trutë.
Plak i pjerdhur e rrjedhur.