Është zbuluar emri i shoferit që ngiste Audin me ngjyrë të verdhë, i pakapshëm nga policia italiane prej disa muajsh.
Audi drejtohej nga një shqiptar, i cili, bashkë me dy bashkatdhetarët e vet, ishin kthyer në një makth për policinë, pasi kryenin grabitje dhe i shpëtonin gjithmonë asaj.
Ata ishin kthyer në një rrezik edhe për udhëtarët, pasi udhëtonin me një shpejtësi të madhe, deri në 270 km/h.
Për kapjen e tij, policia italiane nxori në qarkullim dy makinat Lamborghini që janë të gatshme për të tilla raste.
Sot mediat italiane raportojnë se drejtuesi i “Audit” është kapur pas 8 muajsh kërkime, në kufirin mes shqipërisë dhe Greqisë.
Ai është Vasil Rama, 36 vjeç.
Tre shqiptarët që terrorizuan Italinë u aksidentuan pas një sërë grabitjesh dhe e dogjën makinën.
Tema/d.i.
