Lideri i opozitës Lulzim Basha ka reaguar zyrtarisht këtë të hënë në lidhje me incidentin e trenit serb në Kosovë, duke u shprehur se të tilla veprime risjellin në kujtesë edhe një herë regjimin e Millosheviçit.
Por Basha nuk ka harruar të kritikojë dhe kryeministrin Edi Rama, i cili ditën e djeshme ka reaguar përmes rrjetit të sij social në lidhje me çështjen. Kryedemokrati ka kërkuar nga kryeministri një reagim zyrtar të qeverisë dhe jo përmes facebook-ut.
“Sjellja dhe gjuha e Beogradit risjell në vëmendje aktet destabliizuese dhe kërcënuese për paqen në rajon dhe kthim në regjimin e Millosheviçit. incidentit dhe provokimi me trenin dhe fletë-arresti i vjetruar, dhe fillimi i ndërtimit të një muri në Mitrovicë janë pjesë e një plani të mirë përgatitur që shkon përtej propagandës. Shqipëria duhet të jetë njëzëri në mbështetje të Republikës së Kosovës. Ky plan cënon stabilitetin e Kosovës dhe Rajonit dhe kërkon një përgjigje të mirë përgatitur nga të gjithë palët dhe interesat e të cilit preken nga interesat. Kjo përgjigje duhet ë përshkallëzohet dhe shpaloset në rrafshin diplomatik…
Momenti nuk është për t’ju rikthyer lojërave të brendshme politike apo konsumit politik i kërkoj Zoti Rama që të bëjë më shumë sesa reagim në FB. Unë pozita jemi të gatshëm që të japim ndihmë dhe kontributin tonë të plotë për një përgjigje dhe reagim nga Shqipëria zyrtare ndaj Kosovës dhe si anëtare e NATO-s për të parandaluar përshkallëzimin e kësaj situate”– tha Basha./java/a.k
