Largimi nga Reali i Madridit ishte si një clirim për të. Iker Casillas tregon arsyet se përse zgjodhi ti jepte lamtumirën skuadrës ku nisi karrierën dhe ku luajti për plot 16vjet. Aktualisht portieri 34 vjecar është i lumtur për eksperiencën e re që ka filluar te Porto.
“Ky ka qenë një ndryshim i vështirë, por dëshira ime ishte kjo dhe jam i lumtur me zgjedhjen që kam bërë. Te Reali situata që po përjetoja nuk ishte ajo më e mira. Gjithmonë kam qenë në qëndër të kritikave, madje edhe në momentet kur skuadra fitonte dhe sinqerisht kisha nevojë të merrja frymë. Te Porto jam i lumtur dhe dicka e tillë vihet re qartë në shprehjen e fytyrës time”.
Momentalisht Iker Casillas është i grumbulluar me përfaqësuesen spanjolle për dy sfidat e ardhshme eliminatore ndaj Sllovakisë dhe Maqedonisë. Në vijim të intervistës së tij, 34vjecari foli pikërisht për takimin delikat që La Roja do të ketë ndaj Sllovakisë.
“Edhe pse sfidën në transfertë ndaj Sllovakisë e humbëm, ne do të luftojmë me mish e me shpirt për të arritur një sukses kundër tyre që do ta na poziciononte në krye të grupit. Edhe në Maqedoni do të shkojmë me të njëjtin objektiv fitoren, por e dimë që nuk do ta kemi aspak të thjeshtë”.
Prej më shumë se 1 muaji Iker Casillas i ka dhënë lamtumirën Realit të Madridit, por portieri nuk mund të qëndronte pa shkëputur një mendim për ish skuadrën e tij.
“E shikoj shumë mirë Realin e Madridit. Është përforcuar shumë në merkato, ka në përbërje shumë lojtarë interesantë dhe pavarsisht barazimit me Gijon unë jam i sigurtë se ata do të zhvillojnë një sezon pozitiv”.
