Ushtari profesionist, 23 vjeçari Gerald Baramuca nga Bathorja ka treguar për policinë si ka arritur të shpëtojë nga vdekja.
“Ka mundur të dalë duke hapur parashutën. Më pas ka rënë në ujërat e liqenit dhe me not ka dalë në brigjet e zonës ku ka arritur të kërkojë ndihmën e banorëve të cilët e kanë sjellë në spital”, informon gazetari i Ora Neës Bepin Kolvataj.
Ndërkohë mësohet se operacioni I kërkim shpëtimit po shkon drejt finalizimit me gjetjen e trupit të dytë të pajetë pas rrëzimit të helikopterit.
Një prej dëshmitarëve dhe personi që ka transportuar ushtarin e plagosur, Gerald Baramuça ka treguar se ai i kishte kërkuar ndihmë në gjuhën serbe.
Skënder Cenaj, banor i zonës ka treguar për median në Shkodër se kur kishte shkuar tek i plagosuri Baramuça, ky i fundit i ka kërkuar ndihmë në gjuhën serbe.
“I plagosuri nuk kishte vetëdijen në momentin kur kemi shkuar tek ai. Mendonte se kishte rënë në tokën e Malit të Zi”, është shprehur dëshmitari.
