Ish- truproja personale e Sali Berishës, Izet Haxhia zbulon detaje të reja për sa i përket lidhjes së shqiptarit të “Panama Papers”, Ismail Mulleti me Partinë Demokratie dhe Sali Berishën. Sipas Izet Haxhisë, Mulleti është një ndër sponsorizuesit kryesorë të Berishës për shumë vite
Ai tregon se Mulleti pagoi 12 mijë dollarë për udhëtimin e Berishës në Indi për varrimin e Nënë Terezës.
“Po i kthehem edhe njëherë personit të përfshirë në skandalın “Panama papers”, Il Mulleti siç njihet në rrethin e tij të afërt ka qenë kasaforta e fshehtë e PD-së. Në vitet e pushtetit të saj të parë dhe më vonë, të gjitha pagesat e dyshimta janë bërë nëpërmjet këtij personi. Po i kujtoj vetëm një rast marshallit, paratë e udhëtimit tuaj për të shkuar në varrimin e Nënë Terezës në Kalkuta të Indisë që kapnin shumën 12 mijë dollarë janë bërë nga Il Mulleti, sepse në atë kohë arka e PD-së ishte boshatisur nga ata që e drejtuan deri në zgjedhjet e ‘97.
Ky person është sponsorizuesi i bombës tek firma “VEFA”, në shkurt të ‘96 dhe njëkohësisht vëllai i tij më vonë i vrarë në Vlorë mesa më kujtohet, së bashku me killerin Anton Gjergji janë vendosësit dhe shpërthyesit e kësaj bombe. Në vitet e mëvonshme “Il mulleti” punsëoi afër vetes Rasim Boriçin, që është nipi i Agim shehut dhe drejtuesi i njësisë “antikrim” të krijuar në vitin ‘94 nën petkun e repartit antidroge që edhe pas ardhjes në pushtet të të majtëve në ‘97 vazhdoi ilegalisht veprimtarinë e saj për interesat kriminale të marshallit.
Kjo njësi antikrim u përfshi në valën e atentateve dhe vrasjeve në Tropojë me bekımın dhe porosinë e marshallit. Il mulleti ka qenë sponsorizuesi numër një i këtyre atentateve me mina të telekomanduara të blera në Shkodër me nga gjashtë mijë marka copën. Ky person sëbashku me Rasim Boriçin bënin përcjelljen e komandos që shkonte në Tropojë për të kryer atentate ndaj Haklajve duke i siguruar mjetet lëvizëse dhe armatimin modern që nga minat e telekomanduara e deri tek snajperat e kolauduar.
Të gjithë fijet dhe transferat e parave të pista që ka bërë marshalli dhe eksponentë të tjerë të PD-së si Pollo, Tritan Shehu apo të tjerë kanë kaluar nëpër duart e Il mulleti”, shkruan Izet Haxhia.
