Situata shëndetësore te fëmijët në Shërbimin e Pediatrisë në Spitalin Rajonal të Shkodrës paraqitet më e mirë krahasuar me të njëjtën periudhë të vitit të kaluar. Mjekja pediatre Manjola Shpori thotë se aktualisht numri i vizitave luhatet nga 50 deri në 60 në ditë.
“Në shërbimin e pediatrisë ka qenë relativisht një situatë e qetë, pavarësisht temperaturave të larta. Ka fluks vizitash, por jo krahasimisht me vitet e kaluara. Në të njëjtën periudhë, fluksi është më i ulët. Kanë filluar gastroenteritet, sigurisht që kemi edhe gastroenterite, por jo me një fluks shumë të shtuar. Kemi pasur infeksione urinare, kemi pasur otite të shumta, të lidhura ndoshta edhe me pishinat apo larjen në det”, tha Shpori.
Pavarësisht situatës pozitive, mjekja u bën apel prindërve që të tregohen të kujdesshëm dhe të mos neglizhojnë shenjat e sëmundjeve te fëmijët.
“Ka situata që mund të përkeqësohen. Pra, mundet që një fillim, kryesisht për këto situata të gastroenteriteve që tani pritet të fillojnë, të shfaqet me pak simptoma, por që mund të përmirësohen me pak trajtim ambulator në shtëpi, me Trisol, me probiotikë. Por në rastet kur këto përkeqësohen, fëmija duhet të na rikthehet dhe të kontrollohet në spital”, tha .
Gjatë ditëve të nxehta të verës, prindërit këshillohen të kujdesen veçanërisht për hidratimin, ushqimin dhe shmangien e ekspozimit të zgjatur të fëmijëve në temperatura të larta.
Gazetar: M. Gjini
/rtsh.al/
Situata shëndetësore te fëmijët në Shërbimin e Pediatrisë në Spitalin Rajonal të Shkodrës paraqitet më e mirë krahasuar me të njëjtën periudhë të vitit të kaluar. Mjekja pediatre Manjola Shpori thotë se aktualisht numri i vizitave luhatet nga 50 deri në 60 në ditë.
“Në shërbimin e pediatrisë ka qenë relativisht një situatë e qetë, pavarësisht temperaturave të larta. Ka fluks vizitash, por jo krahasimisht me vitet e kaluara. Në të njëjtën periudhë, fluksi është më i ulët. Kanë filluar gastroenteritet, sigurisht që kemi edhe gastroenterite, por jo me një fluks shumë të shtuar. Kemi pasur infeksione urinare, kemi pasur otite të shumta, të lidhura ndoshta edhe me pishinat apo larjen në det”, tha Shpori.
Pavarësisht situatës pozitive, mjekja u bën apel prindërve që të tregohen të kujdesshëm dhe të mos neglizhojnë shenjat e sëmundjeve te fëmijët.
“Ka situata që mund të përkeqësohen. Pra, mundet që një fillim, kryesisht për këto situata të gastroenteriteve që tani pritet të fillojnë, të shfaqet me pak simptoma, por që mund të përmirësohen me pak trajtim ambulator në shtëpi, me Trisol, me probiotikë. Por në rastet kur këto përkeqësohen, fëmija duhet të na rikthehet dhe të kontrollohet në spital”, tha .
Gjatë ditëve të nxehta të verës, prindërit këshillohen të kujdesen veçanërisht për hidratimin, ushqimin dhe shmangien e ekspozimit të zgjatur të fëmijëve në temperatura të larta.
