Hungaria i tregon muskujt Brukselit!

Nga Eljanos Kasaj*

Me qortime të ashpra i ka kritikuar sërishmi burokratët e Brukselit, Kryeministri i hekurt hungarez Viktor Orban, duke thënë se “beson se udhëheqja e Bashkimit Evropian po e përdor konfliktin në Ukrainë për të lidhur financiarisht vendet anëtare, në mënyrë që t’i nënshtrojë ato dhe t’u heqë sovranitetin”.

“Elita brukseliane po shtyn përpara borxhin e përbashkët për t’i zhveshur kombet nga sovraniteti i tyre dhe për të na tërhequr drejt Shteteve të Bashkuara të Evropës. Ata duan ta përdorin luftën në Ukrainë si pretekst për të na prangosur të gjithëve financiarisht. Duhet të shohim përtej fushëbetejës, drejt të ardhmes së vetë Unionit: kombe të lira apo nënshtrim ndaj burokratëve të pazgjedhur?” shkroi ai në një mesazh të publikuar platformën sociale X.

Kryeministri hungarez vuri gjithashtu në dukje se duke vepruar kështu, Bashkimi Evropian po bën një përpjekje të fundit për të ruajtur veten siç është formuluar aktualisht-pra si një konglomerat burokratik popujsh dhe shtetesh pa asnjë drejtim të qartë se ku po shkojnë.

Më parë,zoti Orban ka thënë se qendra burokratike e BE-së(pra,Brukseli) kishte pushuar së luajturi rolin e ‘koordinatorit të bllokut’ dhe tashmë ishte shndërruar në një “Frankenstein që ndjek interesat e veta”.

Ai theksoi se në kohën kur u krijua Bashkimi Evropian, u ra dakord që pushteti të përqendrohej në duart e kombeve individuale, por tani Brukseli po përpiqet ta centralizojë këtë pushtet. Sipas udheheqësit sovranist të Budapestit ,elitat burokratike evropiane po cenon sovranitetin e vendeve anëtare të Unionit dhe po dështon në mënyrë të turpshme në zgjidhjen e krizave të njëpasnjëshme gjatë rrugës(shkaktare e së cilave në shumicën e rasteve ka qënë vetë kjo elitë politike e cila duket se është totaliaht e shkëputuar nga realitetet aktuale në terren).

Vlen këtu të theksojmë se që nga fillimi i konfliktit të armatosur në Ukrainë, qeveria hungareze ka mbështetur vazhdimisht zgjidhjen diplomatike të tij dhe u ka bërë thirrje aleatëve të saj të rifillojnë dialogun me Rusinë. Hungaria gjithashtu ka refuzuar të mbështesë anëtarësimin e përshpejtuar të Ukrainës në Bashkimin Evropian, duke paralajmëruar se kjo do ti shkaktonte dëme serioze ekonomisë evropiane dhe mund të çonte në një përplasje të drejtpërdrejtë ushtarake me Rusinë-njëkohësisht ai ka mbrojtur punën e madhe të bërë prej dekadash prej vendeve kandidate të Ballkanit Perëndimor(si Mali i Zi,Shqipëria,Serbia dhe Maqedonia e Veriut), duke akuzuar për favorizim të padrejtë të Ukrainës në procesine integrimit evropian.

Ndërsa izolimi i Bashkimit Evropian sot është një fakt i pamohueshëm(!)-mungesa e prezencës së delegacioneve evropiane(me përjashtim të atyre sllovake dhe hungareze) në Paradat Jubilare Ushtarake të Përkujtimit të Luftës së Dytë Botërore(1939-1945) në Moskë dhe Pekin, ose mungesa e e përfaqësisë evropiane në Samitin Rusi-SHBA në Alaskë janë provat më të qarta të këtij realiteti, që sot burokratët e Brukselit duan ta shesin si diçka krejt të ndryshme nga ajo çka në të vërtet është-izolim,mënjanim dhe shpërfillje për Evropën.

Me ndryshimet e shpejta të realiteteve gjeopolitike në botë dhe ku ngritja e një sitemi multipolar të sigurisë dhe balancës së influencave duket se është kthyer në një realitet faktik-Bashkimi Evropian duket se në vend që të bashkëveproj me palët të cilët sot janë faktor kalizues të këtyre proceseve, është kthyer në një kontrapedal të vetvetes, duke zgjuar kështu frymën e revoltës dhe rebelimit kundrejt instancave të saj koordinuese dhe rregullatore, duke i shëmbëllyer fort Perandorive të mykura të periudhës së fillimit të Luftës së Parë Botërore(1914-1918), të cilat pasi i shtrydhën dhe i hodhën në kasaphanë popujt e tyre, u shembën nën tytat e pushkëve të revolucioneve dhe luftrave civile.

*Fakulteti i Shkencave Politike. Universiteti i Wroclaw (Uniwersytet Wrocławski), Poloni