Në zonën e Plazhit të Durrësit pranë Urës së Dajlanit po ndërtohet buzë detit duke hedhur sasi të mëdha betoni. Punëtoret punojnë të pashqetësuar.
Për këtë rast Prokuroria e Durrësit ka filluar një hetim kryesisht për akuzën e ndërtimit të paligjshëm, pasi nga asnjë institucion nuk është bërë ndonjë referim pranë organit të hetimit.
Sipas hetimeve të deritanishme ky ndërtim nuk është projekt i bashkisë së qytetit bregdetar, por i biznesi privat në këtë vijë bregdetare.
Burime nga prokuroria e Durrësit thonë për Tv Klan se ndërtimi po kryhet nga një hotel i njohur në këtë zonë. Të njëjtat burime thonë se, prokuroria ka kërkuar ndalimin e dy personave inxhiniere të firmës që po kryejnë punimet, për t’i marrë në pyetje.
Por shoqërimi i tyre nuk është bërë ende. Prokuroria thotë se do të kërkojë informacion nga bashkia e Durrësit për të sqaruar mbi çfarë kriteresh dhe arsyet që po ndërtohet buzë detit. Gjithashtu informacion do të kërkohet nga Agjencia Kombëtare e Turizmit për të parë se kush institucion është përgjegjës për ndërtimin në këtë zonë.
c.a
