Një ish-president i republikës, sot kryetar partie, kur nuk dëshëron të shprehet për një temë të caktuar, thotë se ka vendosur “të flasë me heshtje”. Këtë po bën edhe Lëvizja Socialiste për Integrim, një javë pas deklaratave të forta të Berishës në parlament për armatosjen e popullsisë. Partia që me të drejtë ka folur së fundi për koncesionet dhe për ndriçuesit e rrugëve në Tiranë e Durrës, nuk ka asgjë për të thënë për një propozim kaq delikat në vendin e një milion kallashnikovëve.
Megjithëse u munduam t’i marrim një prononcim disa prej zyrtarëve të lartë të LSI për këtë çeshtje, u refuzuam me mirësjellje në pyetjet që bëmë. Kjo heshtje e plotë e LSI-së, si rrallëherë, ka ngritur shumë pikëpyetje, lidhur me arsyet se përse Meta vendosi të heshtë në këtë moment, ndonëse kjo thirrje e Berishës u bë nga salla e Kuvendit dhe jo nga selia e PD-së apo nga zyra e punës së ish-kryeministrit. Thirrja për armatosje është haptazi në kundërshtim me ligjet në fuqi. Ajo ka ngjallur deri edhe interesin e mediave kryesore në Perëndim. Nga ana tjetër edhe vetë PD-ja është përpjekur të distancohet nga kjo thirrje. Kurse në kampin e LSI nuk u deklaruan as pro, as kundër!
Që Berisha shkeli në “dërrasë të kalbur” me thirrjen për armatosje kjo ishte shumë e dukshme. Ndoshta Meta heshti pikërisht sepse e kuptoi që kjo ishte një çeshtje tejet delikate dhe në çeshtjet delikate është e vështirë të bësh kalkulime politike, ose edhe elektorale. Meqë jemi një vit para zgjedhjeve.
Por kjo është pjesa pak a shumë personale e marrëdhënieve të tij me Berishën. Në rastin konkret kemi të bëjmë jo thjeshtë me një çështje marrdhëniesh personale, por institucionale. Kjo, veç të tjerash edhe për faktin se Meta përfaqëson Kuvendin e Shqipërisë. Kur nga foltorja e Kuvendi bëhen thirrje për armatosje, minimalisht kryetari i Kuvendit del me një qëndrim. Dhe meqë kreu i LSI vendosi të heshtë, heshti çdo qelizë e kësaj force politike. Një tërheqje që nuk përputhet me peshën dhe rezonacën politike që LSI ka sot në elektoratin shqiptar.
Armando Meta
Arsyeja e vetme personale, mbi te cilën meta nuk vendos kërkënd është Lsi. Dhe pikerisht hesht sepse Lsi-a ka interes te madh nga kjo situatë që lind nga keto grindje pa princip që stimulon ps. Meta është mjeshter i perfitimit nga teoria “kur grinden dy palë, fiton një e tretë. Pikerisht këtë po bën edhe tani. A nuk është 21 janari shembulli më domethenës??