Kryetari i Aleancës për Ardhmërinë e Kosovës, Ramush Haradinaj, të enjten pritet të dalë sërish para trupit gjykues francez, bëri të ditur avokati i tij në Kosovë, Arianit Koçi.
Avokati Koçi thekson se ish-komandati i Zonës së Dukagjinit, të enjten, do të lirohet me kusht, deri në përfundimin e procedurës dhe dhënies së vendimit përfundimtar.
Javën e kaluar një Gjykatë Apeli në Francë, vendosi qëndrimin e Hardinajt në paraburgim. E njëjta gjykatë i dha Serbisë afat kohor që të depozitojë prova ndaj kreut të AAK-së Haradinaj.
Haradinaj u arrestua një ditë më parë nga policia franceze në aeroportin e Bazelit, që shtrihet në dy shtetet, Zvicër dhe Francë. Arrestimi i tij u bë në bazë të një urdhër-arresti ndërkombëtar të lëshuar nga Serbia që kërkon ekstradimin e Haradinajt në Beograd për ta gjykuar për krime lufte.
Në qershor të 2015-s, Haradinaj kishte rënë në pranga të policisë edhe në Slloveni nga po i njëjti urdhër-arrest.
