Antonio Conte nuk është i sigurt se cila është e ardhmja e John Terry te Chelsea
Terry, 36 vjeçar, u ndëshkua me të kuq në fitoren e Chelseat prej 4:1 ndaj Peterborough United në FA Cup.
Kapitenit i skadon kontrata në fund të këtij edicioni dhe Chelsea ende nuk i ka propozuar një të re. I pyetur për të ardhmen e Territ, Conte tha se klubi ka ende për të diskutuar, para se të marrë një vendim.
“Tani jemi në janar. Para se gjithash, këto vendime merren me klubin, jo vetëm”, tha italiani.
“Jam i lumtur me të pasi po më ndihmon shumë dhe është treguar profesionalit i vërtetë kur i kam kërkuar të luajë apo të qëndrojë në stol. Ai po më ndihmon shumë edhe në dhomat e zhveshjes”, shtoi Conte. /Express/a.k
