Në ditën e dytë të rinumërimit të votave në Tiranë, pas hapjes së mbi 170 kutive rezulton se dy partitë kryesore që kanë edhe komisionerë, PS dhe PD po humbasin vota.
Pas këtij rinumërimi secila ka pasur nga 70 deri në 90 vota shtesë. Anëtari i KAS, Ledio Braho shprehet se ky proces do t’i shërbejë transparencës dhe se deri më tani nuk mund të flitet se ka pasur tjetërsim të votave.
Në mbi 13% të kutive të hapura për qarkun e Tiranës rezultojnë vetëm gabime të vogla, që nuk ndikojnë si për mandatet e partive politike, ashtu dhe për renditjen e kandidatëve fitues në listën e hapur.
PD pretendon që të marrë mandatin e 14-të me heqjen e votave të Partisë Mundësia, por deri më tani kjo është e parealizueshme. Kjo pasi partisë më te madhe të opozitës po i hiqen, në vend që t’i shtohen votat nga ky rinumërim, ndërsa këtij subjektit rival po i rriten.
Procesi i numërimit bëhet nga punonjësit e KQZ-së dhe me dy turne dhe parashikohet të mbyllet brenda 8 ditëve. Rinumërimi i kutive u bë pas kërkesës së bërë nga opozita, e i mbështetur nga dy anëtarët e KAS, Elvis Çefa dhe Ledio Braho.
