Lidhur me çështjen Habilaj, janë firmosur urdhër-ndalime për disa ish-drejtues të lartë të policisë, mes tyre edhe ish-drejtori i Policisë së Vlorës Jael Çela. SHÇBA deri tani nuk ka mundur dot të gjejë vendnodhjen e tyre dhe ende personat e kërkuar janë në liri.
Tashmë ka nisur hetim për dekonspirimin e operacionit. Dyshohet se ata janë informuar për urdhër-ndalimet.
Prokuroria për Krimet e Rënda ka thirrur sot për të dëshmuar drejtorin e Shërbimit për Çështjet e Brendshme dhe Ankesat, Edi Merkaj.
Ai do të dëshmojë pikërisht lidhur me dyshimet për dekonspirimin e aksionit për arrestimin e tre zyrtarë të lartë të policisë, që u shpallën në kërkim. Në kërkim janë shpallur Jael Çela, ish-drejtori i Policisë së Qarkut të Vlorës, Sokol Bode dhe Gjergj Kohila./a.m.
