Ish kryeministri dhe azilanti Nikolla Gruevski do të jetë përsëri i lirë dhe nuk do të ekstradohet nga Hungaria, vendosi gjykata në seancën e sotme.
“Kushtet për ekstradim nuk janë te vlefshme ” tha gjykatësja. Mëngjesin e sotëm gjykata dha urdhër për arrestimin e Gruevskit, i cili u përcoll deri në gjykatë me dy persona, të cilët, me siguri janë nga shërbimet e sigurisë të Hungarisë. Seanca ishte e mbyllur për mediat, njofton Zhurnal.
Ministria e Drejtësisë së Maqedonisë së Veriut kërkon ekstradimin e Gruevskit me qëllim që ai të vuajë dënimin me burg për lëndën “Tanku” të PSP-së, por edhe për organizimin e incidenteve në Kuvend më 27 prill 2017.
Maqedonia kërkoi ekstradim për vuajtje të dënimit me burg prej dy viteve për blerjen e Mercedesit në rastin e PSP-së me emrin “Tanku”, dhe për ngjarjet që ndodhën në Kuvend më 27 prill 2017, e që dyshohet se ka qenë një prej organizatorëve.
Gruevski siç shihet në fotografi është paraqitur me kapelë dhe me syze të cilat siç thoshte se kanë kushtuar vetëm 300 euro.
