Një vajzë në Tiranë ka rënë pre e dhunës së egër të një të riu.
Ngjarja ka ndodhur ditën e djeshme, ku 21- vjeçari B.S., banues në Tiranë, dyshohet se rreth orës 18.30, ka goditur me grushte në fytyrë shtetasen S.M., 20 vjeçe banuese po në kryeqytet.
Mësohet se dy të rinjtë kanë qenë të lidhur me njeri tjetrin dhe gjatë një debati mes tyre, në mes të rrugës ai ka nisur ta qëllojë egërsisht me grushte.
Për shkak të dhunës së pësuar, e reja i është drejtuar komisariatit nr.2 të policisë, duke bërë që ndaj 21- vjeçarit të nisin hetimet.
I riu po ndiqet penalisht në gjendje të lirë, ndërkohë që vijojnë hetimet për zbardhjen e rrethanave të mëtejshme të ngjarjes./noa/a.k
